hellingur

horduringi.net

2006-09-18T01:23:00.000Z

Fæðing mín í bloggheiminn var löng og erfið. Eftir fjölmargar tilraunir, fyrst árið 2004, hópbloggið blog.central.is/metro. Jón Páll lifði lengur en það blogg. Það var ekki fyrr en síðan tveimur árum síðar, nú í ár 2006, að ég fór að blogga á myspace.com/horduringi. Það blogg náði hátindi í vorprófunum, þegar mér leiddist og voru það mín aðalsamskipti við kvenið í þessum prófvikum. Fljótlega fékk ég leið á því að blogga á myspace, það eiginlega dó eftir prófvikurnar. Komst að þeirri niðurstöðu að það skoðaði engin myspace á sumrin, sem var ekkert fjær lagi. Þá stofnaði ég hellingur.blogspot.com, sem var þannig séð alltaf hugsað bara svona til bráðabirgða. Ég var aldrei fullkomlega sáttur með það þannig að það var bara tímaspursmál hvenær ég fyndi mér einhvern varanlegri samastað á veraldarvefnum og nú er hann fundinn. horduringi.net 17.september 2006 var sú síða fyrst birt, eftir mikla smámunasemi í hönnun hennar. Ég býð alla velkomna að kíkja á mig á nýju heimili og verið alveg ófeimin að segja ykkar skoðun á mínum skrifum.

Magnavaka

2006-09-06T00:59:00.000Z

Ánægður með þessa kosningageðveiki í kringum Rockstar og sé enga ástæðu til að taka ekki þátt í þessari vitleysu. Er bara að bíða eftir að þátturinn byrji. Ég held að það séu litlar líkur á því að Magni lendi í bottom 3 í þessari viku, mér skilst að hann hafi fengið 2/3 hluta atkvæða seinast. Annars fíla ég Toby í tætlur, örugglega langnettasti gaurinn þarna. Auðvitað ætla ég að taka þátt í því að gera manninn á bak við "Keyrðu mig heim, ég er fullur" að stórstjörnu.

Skólinn byrjar frekar rólega, eða hjá mér allavega. Byrjaði á mánudaginn og er ekkert byrjaður að læra.. mæli ekki með að neinn taki það neitt til fyrirmyndar, enda er ég að fara að læra anyday now.

Ef þér vantar vinnu þá mæli ég með að kíkja á Hive. Var að byrja þar seinasta miðvikudagskvöld og líst bara viðbjóðslega vel á þetta. Maður byrjar á því að mæta á námskeið tvö kvöld og fær að selja í lok seinna kvöldsins. Launin eru góð ef maður stendur sig vel og frábær andi þarna. Endilega hafið samband ef þið hafið áhuga á að skoða þetta, sími 893 7988. Það byrja námskeið miðvikudagskvöldið 6.september og mánudagskvöldið 11.september.

Alltaf gott veður í Kópavogi

2006-08-29T16:01:00.000Z

Nú er kominn 29.ágúst og skítakuldi úti en samt sit ég á pallinum heima ber að ofan að steikjast úr hita. Þeir segja að það sé gott að búa í Kópavogi. Þess vegna segi ég Hí á ykkur sem að eruð að drepast úr kulda.

Bad Bad Fag Bag

2006-08-23T01:07:00.000Z

Hvernig getur þessi saklausa hommabláa kælitaska sem hefur svo oft valdið manni gleði snúist gegn manni á örskotsstundu? Á laugardagskvöldið var haldið niðrí bæ og að sjálfsögðu var Fag Bag með í för. Þar sem að menningarnótt er orðinn stærra bakpokafyllerískvöld en 17.júni var ekkert annað í stöðunni en að fylla Fag Bag af veigum og klökum. Haldið var af stað út í nóttina og alltaf léttist hommataskan. Horft var á flugeldasýninguna og þambað. Satt að segja man ég alveg rosalega lítið eftir flugeldasýninguna, ég man eftir því að hafa blandað mér cult í vodka fyrir utan Prikið og svo man ég ekkert fyrr en ég var bara handónýtur bak við prikið. Ég var víst ógeðslega hress í svona 2 tíma. Var víst talandi ógeðslega hátt. Einhver ókunnug stelpa labbaði framhjá okkur og ég sagði við strákana ógeðslega hátt hvað hún væri með ógeðssslega ljótan rass. Þetta rifjast ekki einu sinni upp fyrir mér. Mér er svo sem skítsama um minnisleysið, það var öllu verra þegar líkami minn bara gaf sig og ég var bara eitthvað handónýtur bakvið Prikið. Sem betur fer redduðu strákarnir mér heim þar sem ég skreið upp í rúm og beið þess að kveljast.

Daginn eftir vaknaði ég klukkan níu og það fyrsta sem ég sé er þessi hommabláa kælitaska. Vissulega voru veigarnar kaldar og líklega hefur það hjálpað til við hversu hratt þær fóru niður. Ég trúði því varla að Fag Bag hefði snúist svona svakalega gegn mér. Nú var ekkert annað en að liggja og bíða.... bíða eftir því að líða betur. Ég var búinn að heita því að 3. fundur Kristófers skyldi haldinn þennan sunnudag og ætlaði mér að standa við það. Hringdi í Heiðar sem var að sjálfsögðu til, Oddur slóst í för með okkur og Kristófer sjálfur hreinsaði mannorð sitt í söltum sjó. Það var haldið á gamalkunnar slóðir í Nauthólsvíkinni. Eftir heilmikið sund skelltum við okkur í pottinn. Þar spurðum við hinn gríðarlega efnilega nýliða Odd að því hvernig honum liði svo eftir fyrsta sundsprettinn. Hann sagði: "Mér líður ógeðslega illa". Ég var á sama máli, mér leið líka ógeðslega illa, ekki útaf sundinu. Út af kvöldinu áður, kvöldi sem ég hafði ákveðið að eyða með mínum elskulega hommabláa vini Fag Bag. Fag Bag snerist gegn mér, það eru örugglega að minnsta kosti nokkrir dagar þangað til ég get fyrirgefið honum. Bad Bad Fag Bag, þú ættir að skammast þín.

3.fundur

2006-08-19T21:45:00.000Z

Þá er það ákveðið. Þriðji fundur Kristófers verður haldinn strax að loknum stórsigri Man. Utd. á móti hinu liðinu. Tinna Alavis, Helga Lind (Túttus), Ásdís Rán (Garðar er í Svíþjóð), einhver Séð og Heyrt stelpa sem við munum ekki hvað heitir og tveir pólverjar eru öll búin að boða komu sína. Jói Fel ákvað að hvíla byssurnar í einn dag til þess að grilla ofaní liðið og ekki ólíklegt að volgur bjór í ísköldum dósum verði á boðstólnum. Eftir sundið verður haldið í Bláa Lónið og fagnað nýjum meðlimum í gufunni.

Áhugasamir geta sent tölvupóst á vertuheimahjater@tussa.is, staðráðnir geta skilið eftir komment og við munum hafa samband eða þeir geta haft samband við mig eða Heiðar.

Kristófer

2006-08-17T02:07:00.000Z

Myndböndin frá Húsavíkursundinu eru kominn inn á myspace síðuna mína.

Þar sem að annar stofnfundsmeðlimur klúbbsins er á leiðinni til Portúgal ásamt fríðu föruneyti legg ég til að næsti fundur verði haldinn á sunnudaginn 20. ágúst í stað 23. og mun hann koma í stað þess fundar sem á að vera haldinn 23. hvers mánaðar.

Duft og annar viðbjóður

2006-08-16T12:56:00.000Z

Hvað er málið með það að framleiðendum prótíndrykkja hefur ekki tekist það sem nestle tókst fyrir 700 árum síðan, að duftið þeirra blandist útí vökvann sem það er sett útí. Var að fá mér svona súkkulaðiprótíndrasl eitthvað frá EAS, maður hellir þessu útí slatta af mjólk, hrærir og það eru bara svona súkkulaðiprótínklessur, ógeðslegt. Skrýtið að maður skuli hætta í Nesquikinu fyrir þetta.

Sól og sumar

2006-08-15T13:56:00.000Z

Sjitt hvað það er ógeðslega gott veður. Ég og Arnar vorum einmitt að reyna að smala í bolta en mér til mikillar mæðu þá komumst við að þeirri niðurstöðu að allir vinir okkar eru í dagvinnu. Þannig að þá var bara að rifja upp gamla tíma og skella okkur við bræðurnir að leika okkur með bolta og vonast til þess að hitta einhverja atvinnulausa fótboltagarpa.

Ísland er best í heimi á sumrin. Eins og það er kalt og ógeðslegt á veturnar. Við hittum engan á vellinum eldri en 10 ára þannig að það var bara alveg eins og í gamla daga, nema engir slagsmál og skotárásir. Frekar rólegt bara. Ég vil líka fara að smala út í gamla malbiksboltann, hætta þessu fancy gervigrasi. Malbik er málið. Ég læt fylgja með hérna tengil á þokkalega góða pepsíauglýsingu sem ég fann á síðunni hjá Birki og félögum crasybird.tk

Roberto Carlos - Pepsi

Myndir frá Húsavík

2006-08-13T12:44:00.000Z

Pósthússtræti 2006

2006-08-08T23:16:00.000Z

Eftir langt ferðalag norður seinustu helgi var meiri stemming fyrir rólegri helgi í bænum og því tilvalið að skella sér á innipúkann. Á föstudagskvöldinu mætti ég seint og náði tveimur böndum, Jeff Who voru helvíti góðir. Laugardagskvöldið var öllu lengra, þar sem ég mætti um hálfníu og náði Donnu Mess, Solex, Eberg, Láru og Hjálmum. Fjórar stelpur fóru úr að ofan og hoppuðu um í showinu hjá Donnu Mess sem var alveg hressandi, mjög listrænt. Lára var flott og Hjálmar léku fyrir dansi sem var afar hressandi. Ég bar mestar væntingar til Sunnudagskvöldsins, svona tónlistarlega og fylleríslega séð. Þannig að það var mjög viðeigandi að leggja Massavélinni fyrir framan brennsluna. Þar var kaldur bjór sem hvarf ofan í mig og Odd félaga minn. Ghostigital voru frekar flottir, ógeðslega steiktir. Mugison var langflottastur, rokkaðari heldur en maður er vanur að sjá hann og Ampop fylgdu í kjölfarið og stóðu sig mjög vel. Ég er líklega að gleyma einhverjum hljómsveitum en það segir líklega meira um hljómsveitirnar heldur en mig.

Kalt mat... Mugison var langlangflottastur og Ampop voru ógeðslega flottir. Jeff Who, Hjálmar, Lára og Ghostigital var einnig vert að sjá, en allt annað fannst mér ekkert magnað. Mikið af allt í lagi böndum og ágætis staður til að drepa tímann, líklega það besta sem var að gerast þessa helgi, en engin flugeldasýning. Hefði samt alls ekki viljað missa af Mugison.

Á laugardagskvöldinu fékk ég mér þrjá bjóra og hugsaði með mér væri nú óhætt að keyra heim þar sem að klukkan væri fjögur og löggan hefði nú líklega eitthvað betra að gera en að stoppa MIG. Bíllinn minn var lagður fyrir utan Nonna og ég lagði af stað í þeirri trú að ég væri að fara heim án nokkurra vandræða. Ég var ekki kominn lengra en á gatnamótunum þar sem Hafnarstræti verður að Hverfisgötu (fyrir þá sem þekkja lítið til þá eru þetta svona 100m). Þar lalla ég yfir og sé að einhver er ekkert að fylgjast með og leggur af stað. Hann klessir inn í hliðina á mér á svona 15km hraða, bíllinn minn snýst í 180° og ég sé bara blá blikkandi ljós og hugsa, jæja ætli ég sé ekki að fara að komast að því mjög bráðlega hvort ég sé ölvaður. Ég greip með mér svala á leiðinni útúr bílnum og reyndi að virka mjög ferskur. Hélt það væri að virka svona þrusuvel þegar löggan benti mér á að setjast afturí... jæja þá var þetta farið. Þá kom þetta venjulega ferli þar sem löggan segir mér að blása af fullum krafti í mælinn og ég reyni að blása eins laust og ég kemst upp með. Ég byrja að blása svona frekar máttleysislega og hann hótar mér því að fara með mig upp á stöð nema að ég geri þetta almennilega. Þessi var ákveðnari en þeir eru venjulega en sætti sig þó við aðeins minna máttlausa blásturinn sem fylgdi í kjölfarið. Hann sagði þetta vera í lagi og ég sloppinn... það var mikill léttir, þarf ekki að vera að það hafi verið neitt áfengi í blóðinu en samt.

Útihátíðin Pósthússtræti 2006 fór friðsamlega fram, en hún var haldinn ofan á og í kringum Massavélina. Þar var horft á stjörnurnar og eitthvað um þreifingar eins og er oft á útihátíðum. Hringt var í náttúrumanninn Henrik og tekinn púlsinn á því hvar kynorkan væri þessa helgi. Hún var bara heima með kvef.

Það sem var eftirminnilegast þessa helgi var sem sagt Mugison, áreksturinn og Pósthússtræti 2006.

Húsavíkurdagar

2006-07-31T22:43:00.000Z

Á föstudaginn héldum við í ferðalag, fjórir góðir, ég, Heiðar, Smári og Henrik. Stefnan var tekin á Húsavík, þar sem góða veðrið var og hinir heimsfrægu Mærudagar (sem hétu reyndar eitthvað annað í ár, við látum það liggja milli hluta). Ég lagði af stað heiman frá mér 17.00, fyrst var Portúgalinn sóttur, síðan Smári og loks Heiðar. Þessir ferðalangar komu ekki án allra vandræða og síst allra ég sjálfur. Eftir mikla baráttu komumst við útúr bænum kl. 19. Bílferð sem átti að taka hálftíma, endaði með að taka 2 tíma. En eftir að hafa skipt um bíl, farið í ríkið, verið læstur úti, sótt linsur, myndavél og passað upp á að Smári fengi nóg að borða, þá komumst við loks útúr bænum. Á leiðinni norður sáum við mikinn skara af fólki og bílum okkur til mikillar undrunar og lögreglumenn voru að stjórna umferðinni. Ég skrúfaði niður rúðuna til þess að spyrjast fyrir um hvað um væri að vera og þá heyri ég ljúfa kunnuglega tóna. Við vorum víst staddir á Hálsi í Öxnadal þar sem Sigurrós voru að spila fyrir heimamenn. Það var ekkert annað í stöðunni en að kíkja á strákana og var okkur öllum sama þó að Húsavík fengi að bíða aðeins. Frábærir tónleikar. Komið var til Húsavíkur klukkan 2 að nóttu, opnaðir nokkrir bjórar og farið að sofa.

Á laugardaginn bættist nýr maður í hópinn, Helgi, frændi hans Heiðars. Góð viðbót við þetta fríða föruneyti. Farið var í náttúruperluna Botnsvatn sem er stutt fyrir utan Húsavík. Þar var stungið upp á því að fleygja sér útí vatnið, og láta þar við sitja... mér leist persónulega ekkert á það og þótti ferskvatnssund ekki vera fullnægjandi til þess að geta kallast fundur hjá Kristóferi. Mér létti þegar ég sá skilti frá heilbrigðiseftirlitinu sem benti sundmönnum á að henda sér ekki útí vatnið. Þá var ekkert annað í stöðunni en að fleygja sér í ískaldan saltan sjóinn. Markmiðið var að fjölga meðlimum klúbbsins um 100% með því að taka inn Smára og Henrik. Smári var ekki fáanlegur í sjóinn en Henrik var spenntur. Smári var á myndavélinni og tók atburðinn upp á filmu og þótti farast það afar vel úr hendi. Helgi fleygði sér í sjóinn með okkur og markmiðið um 100% aukningu í klúbbnum því náð. Sjórinn var góður, alls ekkert það kaldur og bara mjög ferskur... mun betri en í Nauthólsvíkinni. Eftir sundið tók við ferð í náttúrulegan pott, grill, bjór og kvennaknattspyrna. Síðar var slegist með risastórum eyrnapinnum, drukkinn bjór og klúbbakvöld. Á gamla bauknum var diskóhljómsveitin Hefners að spila og Ína Idol var á Sölku. Hópurinn var fljótur að tvístrast, Heiðar fann sína gömlu félaga og fyrr en maður vissi af var hann stiginn upp í gulan bíl. Eitthvað var um skógarferðir, en enduðu þó allir á endanum í fellihýsinu.

Á sunnudeginum voru menn mismyglaðir og þar Heiðar líklega fremstur í flokki enda þekktur fyrir að taka vel á því. Við komumst að því að bakaríið á Húsavík opnar ekki fyrir hádegi á sunnudögum þannig að fjórir fræknir þurftu að halda svangir á leið til Akureyrar. Eftir sundlaugarferð þar sem stelpur voru misflinkar að renna sér í bikiníum var haldið á greifann, þar sem ungu hjónin, Birkir og Dagný voru fyrir. Þar var staflað ofan í tóma maga fyrir langa bílferð suður. Smári ákvað að halda upp á afmælið sitt á Klambratúni að þessu sinni og fékk enga aðra en Sigurrós til þess að spila í veislunni. Frábær veisla, algjört eyrnakonfekt.

Ég ætla að nýta tækifærið í leiðinni og vera fyrsti maðurinn til þess að óska Smára til hamingju með afmælið. "Til hamingju með afmælið Smári". Hann á einmitt afmæli í dag 1.ágúst.

Píkulykt

2006-07-24T01:32:00.000Z

Miklir meistarar hafa kvartað yfir bloggleysi mínu, taki til sín sem eiga. Ég er búinn að vera busy seinustu dagana... eða aðallega busy í því að njóta góða lífsins. Þar sem að ég vil helst ekki vinna þegar það er gott veður, þá hef ég bara sleppt því að mestu leyti síðan að Siggi Stormur skipti um skoðun og sendi mig í sumarfrí.

Það eru klárlega mannréttindabrot að láta fólk vinna í svona veðri... í dag skelltum við okkur nokkrir góðir í fótbolta, fórum svo í nauthólsvíkina að njóta sólarinnar. Þar var Sjósundsklúbburinn Kristófer stofnaður, í honum voru Heiðar Ingi, Arnar Björn, Kristófer sjálfur og undirritaður. Fyrsti fundur átti að vera á flotbryggju nokkru fyrir utan land (í alvöru sjónnum, ekki upphitaða pollinum). Þar sem að ég var forsprakki þessa klúbbs, þá leiddi ég fylkinguna og beið óþreyjufullur eftir því að henda mér í ískaldan sjóinn. Ég var kominn svona 3 skref útí þegar Heiðar hrinti mér á bólakaf og þá var ekki aftur snúið... reyndar hvarflaði það að mér í hálfa sekúndu að snúa við, sjórinn var fokking kaldur. Ég sá að Heiðar stakk sér til sunds og leiddi skyndilega ferðina, fyrst að Heiðar var farinn þá gat ég ekki verið minni maður... Nú var það bara að synda fyrir lífi sínu og komast á flotbryggjuna, maður vill ekki verða of seinn á fyrsta fundinn. Þegar að flotbryggjunni var komið sáum við að tvær tussur höfðu orðið eftir. Arnar og Kristófer voru eftir á bakkanum vælandi yfir því hvað sjórinn væri kaldur. Þannig voru meðlimum klúbbsins snarlega búið að fækka um helming. Fámennur en góður klúbbur, Heiðar Ingi og Hörður Ingi. Þar með var fyrsti fundurinn settur. Á flotbryggjunni var síðan heljarinnar rennibraut. Heiðar var fljótur að príla upp og renna sér niður, enda lekur af honum testesterónið. Ég fylgdi í kjölfarið og sjitt hvað það var kalt.

Síðan var synt í land og þá tókst hitinn í sjónum að venjast. Við héldum á leið í pottinn þar sem fyrir voru fyrrum meðlimir Sjósundklúbbsins. Skömmin var mikil. Þá var sagt okkur að verið væri að loka og við þyrftum að drífa okkur ef við vildum fara í sturtu. Ég er ekki frá því að það hafi verið ólgandi píkulykt í sturtunum. Ég spurði Heiðar hvort hann fyndi píkulykt... hann sagði "Ég finn píkulykt"... "I smell pussy", já það vantaði ekki píkulyktina af tussunum tveimur sem beiluðu. Þeim verður þó gefið annað tækifæri til þess að skola af sér píkulyktina í ísköldum söltum sjónnum þegar næsti fundur Sjósundsklúbbsins Kristófers verður haldinn. Einnig vil ég skora á lesendur hellings til þess að mæta á næsta fund klúbbsins, nánari staðsetning og tímasetning verður auglýst á síðunni, og einnig verður hringt í þá sem skilja eftir comment og þess óska. Það er aldrei að vita nema að grill og veigar verði með í för á næsta fundi. Ekki vera tussa, hentu þér í sjóinn með Kristóferi.

Núverandi meðlimir Sjósundklúbbsins Kristófers:
Heiðar Ingi Ólafsson
Hörður Ingi Björnsson

Fyrir hönd Kristófers,
Hörður Ingi

Atmosphere

2006-07-14T10:11:00.000Z

Síðastliðinn miðvikudag voru atmosphere á gauknum og ættu allir hiphop-hlustendur sem skitu upp á bak með því að mæta ekki ættu að skammast sín. Eftir slakasta gengi í vinnunni hingað til var ekkert meira viðeigandi en að hætta snemma og skola sorgum sínum niður með hágæða hiphoppi og ísköldum kranabjór.

Annars er Hörður að fara í sveitina um helgina. Bekkjarútilega í Grindavík í kvöld og hin árlega veiðiferð norður á morgunn... þannig að þið verðið að lifa án sólskini lífs ykkar næstu dagana og bara án sólar yfirhöfuð, því hún fer með mér norður.

Seinasti vinnudagurinn

2006-06-30T22:30:00.000Z

Í síðustu viku sagði ég starfi mínu lausu í Eimskip. Bauðst þó til þess að mæta eitthvað í þessari viku ef að þeir væru í einhverjum miklum vandræðum. Yfirmaður minn hringdi í mig á miðvikudaginn og spurði hvort ég gæti ekki mætt fimmtudag og föstudag. Djöfull nennti ég því ekki, en ég ákvað samt að mæta.

Einn gaur þarna í Eimskip, sem er einhver svona "boss" þarna kemur stundum og talar við mig um hvað negrarnir þarna eru heimskir. Hann sagði að þetta hefði verið eins og svartasta afríka á tímabili. Í dag sá hann mig vera að raða vínkössum og sá að ég var að gera það rétt þannig að hann spyr mig

Gaur: Ertu með stúdentspróf?
Ég: Já (var mikið að pæla af hverju hann væri að spyrja)
Gaur: Menn læra yfirleitt ekkert að raða vínkössum rétt nema þeir séu með stúdentspróf.

Mér fannst ég vera geðveikt klár. Svo bætti hann við

Gaur: Það var einu sinni svertingi að vinna hérna sem var hagfræðingur. Hann kunni einmitt að raða vínkössum rétt.

Svo fór hann bara. Heví steikt.... það er allavega gott að stúdentsprófið er eitthvað farið að skila sér.

Portúgal komnir í 8 liða úrslit :)

2006-06-25T21:56:00.000Z

Mitt lið var að enda við að vinna Hollendinga í langbesta leik keppninnar til þessa. Lélegasti maður leiksins var alveg klárlega dómarinn sem gaf 16 gul spjöld í leiknum og rak í leiðinni 4 leikmenn útaf, 2 í hvoru liði. Þeir sem misstu af þessum leik ættu helst að loka sig inn í herbergi og gráta sig í svefn.

Ég er hættur að vinna í eimskip og kominn í nýja vinnu. Nýja vinnan er snilld... vinnutíminn er frá 5 til 10 á kvöldin að því undanskildu þegar góðir leikir eru í sjónvarpinu. Leiðinlegt samt að þurfa að yfirgefa Óla, vil bara þakka honum fyrir allt lummuchillið, kakóchillið, bykochillið, fótboltachillið og allt chillið sem snerist eingöngu um að chilla. Skemmtu þér vel út á Hróarskeldu kall.

Veikindafrí

2006-06-21T13:07:00.000Z

Þetta er nottla hreinasta snilld. Veikur á besta tíma, HM í fullu fjöri, liggjandi úti í sólinni, hóstandi og takandi lit. Undirbúningur fyrir leikinn klukkan 2 er í fullum gangi. Er að drekkja í mig sólinni núna, fer síðan að undirbúa munch og ná í ískalt gos :) Þyrfti samt eiginlega að ná að sofna núna til þess að ég sofi ekki yfir leiknum. Mexíkó og Portúgal eru að spila, gæti orðið hörkuleikur.

Þeir sem þekkja mig vita að ég er ekki sniðinn í neina erfiðisvinnu. Ég var ekki sendur á þessa jörð til þess að vinna botnlausa yfirvinnu, heldur er ég latur, hrokafullur og vil njóta dagsins. Það er fáránlegt að búa í einu af mestu velferðarsamfélögum í heiminum og hafa ekki tíma til þess að njóta dagsins. Það er ekkert fyrir svona harðkjarna chillmaskínur eins og mig. Það er alveg fáránlegt að sjá svona lið sem hefur ekki tíma til þess að draga andann, hugsa og hlæja. Nú er ég alls ekki að segja að allir ættu að taka mig til fyrirmyndar. Það eru þessir vinnufíklar sem munu hvort eð er aldrei hafa tíma til þess að lesa bloggið mitt sem eru að borga fyrir þetta frábæra samfélag sem ég var sendur til að chilla í. Ég er heldur ekki að tala um að maður eigi að vera sníkjudýr og lifa á kerfinu. Það er fólkið sem stoppar aðeins til þess að draga andann, hlæja og hugsa sem sér tækifærin.

B-mynd, whiskey og fótbolti

2006-06-17T12:56:00.000Z

Helgin byrjaði alveg skemmtilega steikt. Ég byrjaði á því að sækja Hákon í vesturbæinn, við ætluðum heim að horfa á fótbolta. Hann var að sjálfsögðu ekki heima hjá sér, enda vill hann ekki að það spyrjist út um hann að hann hafi vaknað einn í heimahúsi á föstudagseftirmiðdegi. Við fórum heim og náðum seinni helmingnum af fótboltanum. Seinni hálfleik í Hollandsleiknum og öllum Mexíkó. Á þessum 135 mínútum var ekki skorað eitt einasta mark en á fyrri 135 mínútum dagsins voru skoruð 9. Það var alveg pínu steikt og því vel við hæfi að liggja áfram upp í sófa og horfa á fáránlega mikið af illa gerðum auglýsingum. Auðvitað var fengið sér bjór með Hollandsleiknum og síðan skroppið í ríkið á milli leikja. Síðan fengum við okkur einfaldan Baileys með Mexíkó og svo skutlaði ég Hákoni heim. Mamma var eitthvað farinn að pæla í því hvort að þetta væri ekki eitthvað óeðlilegt. Það sem þessar mömmur láta út úr sér.

Síðan var ég engan veginn að nenna því að fara að djamma þannig að ég kom mér fyrir í sófanum hjá mömmu og pabba þar sem að þau voru að fara að horfa á myndina Bulletproof Monk á stöð 1. Ætli maður verði svona fáránlega steiktur þegar maður verður fullorðinn. Þau horfa bara á hvað sem er, yfirleitt eyða þau föstudags og laugardagskvöldum í að horfa á ríkissjónvarpið.

Jæja þá er fótboltinn byrjaður þannig að ekki seinna vænna að fara að stimpla sig út. Í dag er það whiskey og fótbolti, ég er með hálsbólgu... þetta lítur hvort eð er alveg eins út og eplasafi.

Vaknað upp

2006-06-14T02:12:00.000Z

Djöfull er þetta ógeðslega steikt. Ég fór snemma að sofa annan daginn í röð, en það gekk ekki betur en svo að ég vaknaði upp klukkan hálftvö og hélt það væri kominn morgunn.

Í draumnum vorum ég og Óli að spila einhvern tölvuleik sem maður gat gert allt í. Ég komst að því eftir stutta stund að það væri hægt að fljúga svipað og Pétur Pan. Maður þurfti bara að stökkva upp og trúa því að maður gæti flogið. Þá sveif maður í lausu lofti og þurfti bara að blaka höndunum til þess að fara hærra. Meðan maður blakaði ekki höndunum þá hélst maður kyrr svífandi. Auðvitað gerði ekkert til að fljúga hærra og hærra þar sem þetta var bara tölvuleikur. Þannig að ég blakaði höndunum eins og ég gat, það var allt svo fallegt í þessari hæð. Síðan blakaði ég einu sinni kröftuglega í viðbót og þá skaust ég lengst upp en fann um leið að ég hafði misst máttinn til þess að fljúga þannig að ég byrjaði að hrapa til jarðar og nú var þetta ekki lengur tölvuleikur. Ég var að hrapa til jarðar og reyndi að blaka höndunum til þess að hífa mig upp, það lengdi aðeins tímann sem ég var á leiðinni niður en virkaði ekki sem skyldi þannig að ég hélt áfram að hrapa og undraði mig á því að ég væri svona lengi á leiðinni niður. Síðan um leið og ég skall í malbikið þá vaknaði ég. Ég var í sjokki með öran hjartslátt en leist ágætlega á að vera svona glaðvakandi og tilbúinn að takast á við nýjan dag. Þangað til ég áttaði mig á stöðunni.

hellingur

2006-06-13T21:59:00.000Z

þetta er klikkað maður..